Mauricio Pochettino, stjóri Tottenham, hefur staðfest það að hann hafi haft áhuga á leikmanni Inter Milan á sínum tíma.

Pochettino vildi fá vængmanninn Keita Balde til Tottenham árið 2017 er hann fór til Monaco frá Lazio.

Balde er uppalinn hjá liði Barcelona á Spáni og fylgdist Pochettino vel með honum er hann stýrði liði Espanyol.

Balde kom inná sem varamaður í gær er Inter lagði Tottenham 2-1 í Meistaradeildinni.

,,Já það er rétt, ég hef fylgst með hans ferli síðan hann var hjá Barcelona og ég var hjá Espanyol,“ sagði Pochettino.

,,Hann var alltaf einhver sem við höfðum áhuga á en hann valdi Monaco. Hann er enn frábær sóknarmaður.“