Arsene Wenger kvaddi lið Arsenal í sumar eftir 22 ár hjá félaginu og tók Unai Emery við keflinu.
Per Mertesacker, fyrrum leikmaður liðsins, spilaði lengi undir stjórn Wenger og var sorgmæddur að sjá hann fara.
Þjóðverjinn viðurkennir það að það hafi verið leikmönnunum að kenna að breytingar hafi þurft að eiga sér stað.
,,Þetta kom okkur aðeins á óvart. Hann sagði við okkur að ákvörðun hafði verið tekin í sameiningu um að hann væri á förum í lok tímabils,“ sagði Mertesacker.
,,Þetta var mjög sorgleg stund því mér leið eins og hluti af þessu væri mér að kenna.“
,,Þetta var líka leikmönnunum að kenna því við fengum mörg tækifæri til að ná í betri úrslit á meðan hann stóð alltaf við bakið á okkur.“