Fylkir 0-3 Breiðablik
0-1 Thomas Mikkelsen(víti, 27′)
0-2 Jonathan Hendrickx(43′)
0-3 Aron Bjarnason(57′)
Breiðablik hefur tryggt sér sæti í Evrópudeildinni fyrir næsta tímabil en liðið náði því í kvöld.
Blikar heimsóttu lið Fylkis í 20. umferð sumarsins stuttu eftir að hafa tapað úrslitaleik bikarsins gegn Stjörnunni.
Blikar voru gríðarlega öflugir í kvöld og leiddu 2-0 í leikhléi. Thomas Mikkelsen og Jonathan Hendrickx gerðu mörkin.
Aron Bjarnason kláraði leikinn svo alveg fyrir Blika í síðari hálfleik og fagnar liðið góðum 3-0 sigri.
Blikar urðu fyrir áfalli undir lok leiksins er markvörðurinn Gunnleifur Vignir Gunnleifsson fékk að líta beint rautt spjald.
Ragnar Bragi Sveinsson var sloppinn í gegn og var Gunnleifur of seinn og tók hann niður.