Andri Rúnar Bjarnason, leikmaður Helsingborg í Svíþjóð, elskar að skora mörk og hefur verið iðinn við kolann í atvinnumennsku.
Andri hefur staðið sig frábærlega með Helsingborg á tímabilinu en liðið leikur í næst efstu deild.
Liðið stefnir þó á að komast upp um deild og er með tveggja stiga forskot á toppnum eftir 4-1 sigur á Brage í dag.
Andri var að sjálfsögðu í byrjunarliði Helsingborg í dag og kom liðinu yfir í fyrri hálfleik.
Andri var svo aftur á ferðinni á 78. mínútu í síðari hálfleik og gerði tvennu í öruggum sigri heimamanna.
Andri hefur skorað 12 mörk fyrir Helsingborg á tímabilinu eftir að hafa komið til liðsins frá Grindavík.