Massimiliano Allegri, stjóri Juventus, var óánægður með rauða spjaldið sem Cristiano Ronaldo fékk í kvöld.
Ronaldo fékk beint rautt spjald í fyrri hálfleik í leik gegn Valencia en hann virtist rífa í hár leikmanns spænska liðsins.
Margir eru þó á því máli að dómurinn hafi verið harkalegur og er Allegri sammála því. Juventus vann leikinn með tíu menn 2-0.
,,Ég get bara sagt það að VAR hefði hjálpað dómaranum í þessu atviki,“ sagði Allegri eftir leikinn.
,,Að spila með tíu menn á vellinum í Meistaradeildinni eftir svona atvik er mjög svekkjandi.“
,,Við áttum í hættu á að tapa í kvöld og munum sakna hans í næstu leikjum líka.“