David de Gea, markvörður Manchester United, hefur gefið í skyn að hann sé að skrifa undir nýjan samning.
De Gea hefur verið í umræðunni undanfarið en United er sagt hafa boðið honum risasamning.
Spánverjinn var spurður út í samningamálin í dag og talaði um hversu ánægður hann er hjá félaginu.
,,Ég finn fyrir mikilli ást hjá þessu félagi, frá stuðningsmönnum eða þeim sem gera þetta félag,“ sagði De Gea.
,,Ég er mjög ánægður með að fá að spila fyrir þetta félag, eitt besta félag heims. Það er mjög gott fyrir mig.“