Mohamed Salah, leikmaður Liverpool á Englandi, var duglegur að spila liðið í tölvuleiknum FIFA árið 2005.
Salah greinir frá þessu í dag fyrir leik Liverpool og Paris Saint-Germain í Meistaradeild Evrópu.
Liverpool átti magnað ár árið 2005 en liðið vann þá Meistaradeildina eftir úrslitaleik við AC Milan.
Salah er ólíkur flestum en hann notaði Steven Gerrard í fremstu víglínu í leiknum sem er afar spes.
,,Þetta var mjög sérstakt fyrir mig þó að ég hafi verið mjög ungur. Þegar ég spilaði FIFA þá valdi ég alltaf Liverpool árið 2005,“ sagði Salah.
,,Ég notaði alltaf Steven Gerrard frammi því hann var gríðarlega skotfastur.“
,,Svo var ég með Jerzy Dudek í markinu og Jamie Carragher og Sami Hyypia í vörn. Ég spilaði liðið líka í leiknum fyrir árið 2005.“
