Gary Lineker, fyrrum framherji enska landsliðsins, er ekki viss um að Manchester United geti náð árangri í Meistaradeildinni á tímabilinu.
United hefur farið nokkuð erfiðlega af stað í ensku úrvalsdeildinni en liðið spilar undir stjórn Jose Mourinho.
Lineker viðurkennir það að fótboltinn hafi breyst á síðustu árum en Mourinho heldur sig við það sem hann kann.
,,Jose er með ákveðna formúlu hvernig hann spilar og ég held að hann muni ekki breyta henni,“ sagði Lineker.
,,Þetta verður áhugavert að sjá og þetta er líka hans þriðja tímabil. Hann virðist ekki vera sá ánægðasti.“
,,Leikurinn hefur þróast, það er spilað mun meiri sóknarbolta og opinn leik. Við sáum það í Meistaradeildinni á síðustu leiktíð og þegar Manchester City vann ensku deildina.“