Pálmi Rafn Pálmason, leikmaður KR, var ánægður með spilamennsku liðsins í dag í 3-1 sigri á Keflavík.
,,Við erum nokkuð sáttir. Við vissum það að Keflvíkingar kæmu hingað brjálaðir og þeir áttu flottan leik og börðust vel,“ sagði Pálmi.
,,Ég vil hrósa Keflavíkurliðinu. Við vorum kannski ekki í öðrum gír heldur vorum að mæta sterkum andstæðing. Þeir koma hingað pressulausir með marga góða leikmenn.“
,,Við hefðum kannski viljað skora fleiri mörk, það hjálpar okkur líka en 3-1 var kannski sanngjarn sigur.“
,,Þetta er skref í átt að Evrópu. Það eru enn tvær umferðir eftir.“