Eysteinn Húni Hauksson, þjálfari Keflavíkur, var ánægður með ýmislegt í dag þrátt fyrir 3-1 tap liðsins gegn KR í 20. umferð sumarsins.
,,Ég er ánægður með fyrri hálfleikinn en við komum mjög þreytulegir inn í seinni hálfleikinn,“ sagði Eysteinn.
,,Við stöndum af okkur fyrsta korterið í síðari hálfleik en eftir að þeir komast í 2-1 er þetta mjög erfitt fyrir okkur og það er eitthvað sem við þurfum að skoða.“
,,Við lítum ekkert á stigatöfluna og ég er ánægður með hvernig strákarnir koma inn í leikina. Við viljum vera betri í þeim atriðum sem vinna fótboltaleiki.“
,,Við eigum ekki séns á neinu nema að bæta okkar leik. Við reynum að nýta þessa leiki, menn hafa tvo leiki til að skapa sér nafn í þessari deild.“
,,Við höfum ekki rætt framhaldið. Við einbeitum okkur að því klára þetta og svo tökum við stöðuna og við þurfum að taka hana vel,“ bætti Eysteinn við spurður út í eigin framtíð.