Góð tíðindi berast af markavélinni í Þýskalandi en Alfreð Finnbogason er að ná heilsu á nýjan leik hjá Augsburg.
Alfreð er að glíma við meiðsli og gat ekki leikið með íslenska landsliðinu í síðasta verkefni.
Meiðsli Alfreðs eru í kálfa en þau hafa plagað hann um nokkurt skeið.
,,Hann er að æfa úti á velli með styrktarþjálfara og er byrjaður að nota bolta, hann finnur hins vegar enn smá til. Við verðum að sjá hvað gerist,“ sagði Manuel Baum þjálfari Augsburg.
,,Það er möguleiki að hann taki þátt að fullu á æfingum í september, ég er ánægður með málin.“
Alfreð skráði sig í sögubækurnar í sumar en hann skoraði fyrsta mark Íslands á HM í 1-1 jafntefli gegn Argentínu.
