Aron Einar Gunnarsson miðjumaður Cardiff er loks að ná fullri heilsu eftir meiðsli sem hafa hrjáð hann.

Aron var mikið meiddur fyrir HM í Rússlandi og hefur ekki spilað með Cardiff eftir það.

Hann er að verða leikfær en mjög ólíklegt er að hann spili gegn Chelsea á morgun.

,,Við þurfum ekki að fara of hratt með Aron Einar,“ sagði Nwil Warnock stjóri Cardiff.

,,Hann gæti spilað um helgina ef ég myndi vilja það, ég er ekki viss um að ég vilji það.“

,,Við verðum að byggja hann upp og hann þarf spiltíma, hann æfði að fullu í gær og tók þátt í leik. Ég veit að við þurfum að henda honum af stað fljótlega.“

,,Þú veist hvað þú færð hjá Aroni Einari, við höfum stigið næsta skref og nú þurfum við að sjá hvort hann geri það.“