,,Við erum að keyra upp stemminguna fyrir laugardaginn,“ sagði Ágúst Gylfason þjálfari Breiðablik fyrir bikarúrslitaleikinn á laugardag

Liðið mætir þar Stjörnunni klukkan 19:15 en Blikar hafa tapað fjórum sinnum í röð fyrir Stjörnunni.

,,Leikmenn verða tilbúnir í verkefnið, við vitum hverjum við erum að mæta. Við vitum að við erum að mæta öflugu liði Stjörnunnar sem við höfum tapað fyrir fjórum sinnum.“

Ágúst segir hefðina vera með Blikum en alla pressu vera á Stjörnunni.

,,Stjarnan hefur aldrei unnið bikarinn, það hafa Blikar gert og ég nokkrum sinnum sem leikmaður. Hefðin er með okkur en pressan er á þeim, við setjum pressuna á þá.“

Andri Rafn Yeoman, Oliver Sigurjónsson og Alexander Helgi Sigurðsson eru allir tæpir hjá Bikum.

Viðtalið er í heild hér að neðan.