Kolbeinn Sigþórsson sneri aftur á völlinn með landsliðinu í kvöld en Ísland tapaði 3-0 fyrir Belgíu á Laugardalsvelli.

Kolbeinn hefur ekki spilað síðan á EM 2016 en fékk um 20 mínútur í tapinu í dag.

,,Tilfinningin er frábær. Ég hef beðið eftir þessu í að verða tvö ár og er loksins að fá að koma aftur og vera í kringum liðið og spila með því. Það gefur mér mikið,” sagði Kolbeinn.

,,Ég hefði getað spilað fleiri mínútur en þetta er það sem þeir ákváðu og ég er ánægður með að fá mínúturnar. Ég vissi ekki alveg hvað ég gæti spilað mikið. Miðað við hvernig ég fann mig inná er ég klár í 45 mínútur.”

,,Belgarnir eru með frábært lið og þeir sýndu sín gæði, þeir eru með heimsklassa leikmenn í öllum stöðum. Eftir að við fengum á okkur fyrsta markið var þetta erfitt. Þeir nýttu sér gæðin í liðinu sínu.”

Nánar er rætt við Kolbein hér fyrir neðan.