Victor Lindelof, leikmaður Manchester United, ætlaði aldrei að gerast varnarmaður er hann var á sínum yngstu árum.
Lindelof er 24 ára gamall hafsent en hann var keyptur til United frá Benfica í Portúgal.
Svíinn hefur nú greint frá því að hann hafi viljað vera eins og fyrrum markvörður United, Fabien Barthez sem kom til liðsins frá Monaco árið 2000.
,,Þegar ég var yngri þá var markaður í heimabæ mínum í Svíþjóð þar sem hægt var að kaupa treyjur,“ sagði Lindelof.
,,Móðir mín keypti treyju með nafni Fabien Barthez og eftir það þá vildi ég alltaf verða markvörður.“
,,Ég vildi líka spila frammi en á þessum tímapunkti í mínu lífi þá vildi ég mest gerast markvörður.“