Tveir fyrrum leikmenn Arsenal eru að berjast um þjálfarastarfið hjá Bordeaux í Frakklandi.
Frá þessu er greint í kvöld en Gus Poyet verður líklega rekinn frá franska félaginu á föstudaginn.
Poyet hefur verið hjá Bordeaux í stuttan tíma en hraunaði yfir stjórn félagsins á blaðamannafundi á dögunum og var settur í tímabundið bann.
Þeir Thierry Henry og Remi Garde eru taldir líklegastir til að taka við Bordeaux sem leikur í efstu deild í Frakklandi.
Báðir eru þeir fyrrum leikmenn Arsenal en Garde var þar í þrjú ár frá 1996-1999 en Henry mun lengur.
Henry er í dag aðstoðarþjálfari belgíska landsliðsins og Garde er stjóri Montreal Impact í MLS deildinni.