Jurgen Klopp, stjóri Liverpool, var ánægður með sína menn í kvöld eftir 2-0 sigur á Crystal Palace.
Klopp var sérstaklega ánægður með varnarmanninn Virgil van Dijk sem þurfti að berjast við framherjann stóra Christian Benteke.
,,Ég þekki ekki marga hafsenta í knattspyrnuheiminum sem geta höndlað Christian Benteke eins og hann gerði,“ sagði Klopp.
,,Við vorum þarna fyrir hvor annan. Þetta var alls ekki frábær frammistaða frá okkur í kvöld. Báðir bakverðirnir geta spilað 80 prósent betur.“
,,Mér gæti ekki verið meira sama um hvað önnur lið eru að gera. Við erum ekki í kapphlaupi við þau. Þetta er allt of sterk deild til að segja eitthvað eftir tvo leiki.“