Markvörðurinn Gianluigi Buffon er enn í fullu fjöri en hann fagnaði fertugsafmæli sínu fyrr á þessu ári.
Buffon samdi við lið Paris Saint-Germain í sumar en hann fór þangað frítt eftir 17 ár hjá Juventus.
Buffon var áður hjá Parma á Ítalíu þar sem hann lék með Lilian Thuram. Þeir spiluðu svo einnig saman hjá Juventus síðar á ferlinum.
Það er dágóður tími síðan Thuram lagði skóna á hilluna en hann er 46 ára gamall í dag.
Buffon var í marki PSG um helgina sem vann Guingamp 3-1 en í framlínu Guingamp spilar hinn 21 árs gamli Marcus Thuram.
Marcus er einmitt sonur Lilian og var Buffon því að mæta syni fyrrum samherja síns sem hann lék með í alls tíu ár á ferlinum.
Respect ???? pic.twitter.com/KrrcY6ECXz
— Marcus Thuram (@MarcusThuram) 19 August 2018
