Miðjumaðurinn Marko Grujic hefur skrifað undir nýjan samning við Liverpool sem gildir til ársins 2023.
Þetta staðfesti félagið í dag en Grujic kom til Liverpool árið 2016 og var sá fyrsti sem Jurgen Klopp fékk til félagsins.
Tækifærin hafa þó verið fá til þessa á Anfield en Grujic á aðeins að baki átta deildarleiki fyrir liðið.
Grujic fékk þrátt fyrir það nýjan samning í dag og skrifaði einnig undir hjá Hertha Berlin í Þýskalandi.
Þessi 22 ára gamli leikmaður mun leika með Hertha á láni út tímabilið en hann var í láni hjá Cardiff á síðustu leiktíð.