Erling Haland er gríðarlega efnilegur leikmaður sem er á mála hjá liði Molde í Noregi.
Haland hefur verið orðaður við stórlið í Evrópu og þar á meðal Manchester United sem hefur sent njósnara til að skoða framherjann.
Stjóri Molde er Ole Gunnar Solskjær, fyrrum leikmaður United, og var talið líklegt að hann gæti tekið skrefið til Englands.
Haland er aðeins 18 ára gamall en þrátt fyrir það hefur hann gert alls 11 mörk í 30 deildarleikjum með Molde.
Hann er nú að yfirgefa Molde en strákurinn hefur gert fimm ára samning við lið Red Bull Salzburg.
Salzburg er austurrískur meistari en Haland mun ekki ganga í raðir liðsins fyrr en í janúar.