Eusebio Di Francesco, stjóri Roma á Ítalíu, segir að félagið hafi mögulega misst ‘besta markvörð heims’ í sumar.
Roma seldi markvörðinn Alisson til Liverpool og keypti Svíann Robin Olsen frá FC Kaupmannahöfn í staðinn.
Di Francesco segir að það sé ekki auðvelt að fylla skarð Alisson sem stóð sig frábærlega á síðustu leiktíð.
,,Það er ekki auðvelt að finna mann í stað Alisson sem er mögulega besti markvörður heims,“ sagði Di Francesco.
,,Robin sýndi gæði sín á heimsmeistaramótinu í sumar. Hann er tilbúinn og verður í markinu.“