Eden Hazard, leikmaður Chelsea, hefur staðfest það að hann sé ekki á förum frá félaginu í sumar.
Real Madrid hefur sýnt Hazard áhuga í sumar en Belginn ætlar ekki að færa sig um set að minnsta kosti í bili.
,,Þið vitið hvað ég sagði eftir HM. Ég er ánægður hérna. Ég vil ekki ræða þetta strax,“ sagði Hazard.
,,Það hefur mikið verið sagt, mikið bull og allt þar á milli. Eins og staðan er þá er ég ánægður.“
,,Ég á enn tvö ár eftir af mínum samningi og við skulum sjá hvað gerist. Ég fer ekki á þessu ári.“