Julen Lopetegui, stjóri Real Madrid, hefur varað Thibaut Courtois við því að hann verði ekki endilega markvörður númer eitt á tímabilinu.

Courtois gekk í raðir Real frá Chelsea í sumar en Keylor Navas hefur séð um að verja mark liðsins síðustu ár. Hann var í markinu í Ofurbikar Evrópu gegn Atletico Madrid á dögunum.

,,Við skulum sjá til hver hentar liðinu best þegar að því kemur. Við erum með tvo frábæra markmenn,“ sagði Lopetegui.

,,Þetta eru tveir landsliðsmenn og við reynum að taka vel á þessu og taka ákvarðanir fyrir liðið.“

,,Auðvitað er mikil samkeppni í liðinu en ég sé það sem jákvæðan hlut. Það er gott að vera með samkeppni.“