Khaldoon Al-Mubarak, stjórnarformaður Manchester City, hefur útskýrt af hverju félagið hætti við að fá Alexis Sanchez frá Arsenal í janúar.
Sanchez skrifaði á endanum undir hjá grönnum City í Manchester United en hann hefði orðið samningslaus í sumar.
Al-Mubarak segir að Sanchez hafi einfaldlega reynst of dýr fyrir City en hann fór til United í skiptum fyrir Henrikh Mkhitaryan sem samdi við Arsenal.
,,Við horfðum á hann sem leikmann sem myndi henta þessu félagi vel,“ sagði Al Mubarak.
,,Pep var mjög áhugasamur að fá hann árið 2017 en ekkert gerðist. Við sjáum þó ekki eftir neinu.“
,,Við skoðuðum stöðuna aftur í janúar en staðan hafði breyst frá því um sumarið. Þetta passaði einfaldlega ekki fjárhagslega.“