Jermaine Jenas, fyrrum miðjumaður Tottenham, telur að Mauricio Pochettino vilji mikið fá tækifæri hjá Manchester United á ferlinum.
Pochettino hefur gert frábæra hluti með Tottenham og hefur verið orðaður við brottför til stærra félags.
Jenas telur að Pochettino vilji fara til United en Jose Mourinho er við stjórnvölin þar þessa stundina.
,,Þeir hafa verið að eltast við hann í langan tíma og þetta yrði stórt próf. Ég held að innst inni þá vilji hann þetta mest,“ sagði Jenas.
,,Það eru aðeins Manchester United og Real Madrid sem vekja alvöru áhuga hans.“
,,Jurgen Klopp er ekki að fara neitt, Chelsea skiptir um stjóra á hverri mínútu og ef hann færi þangað myndi það skemma allt sem hann hefur gert hjá Tottenham.“
,,Það eru bara tvö félög þarna. Það er hægt að nefna Bayern og Paris Saint-Germain en ég held að hann vilji halda áfram á Englandi eða fara aftur til Spánar.“
,,Ef Mourinho yfirgefur Manchester United þá kæmi það mér ekki á óvart ef þeir reyna mikið við Pochettino. Miðað við það sem hefur gerst hjá Spurs kæmi mér það á óvart ef hann væri þar áfram.“