Cristiano Ronaldo spilaði í dag sinn fyrsta leik fyrir lið Juventus á Ítalíu en hann fór þangað í sumar.
Ronaldo var í byrjunarliðinu og spilaði allan leikinn er Juventus vann 3-2 sigur á Chievo á dramatískan hátt.
Juventus komst yfir með marki frá Sami Khedira snemma leiks en Chievo sneri leiknum sér í vil og komst í 2-1.
Juventus vann þó leikinn að lokum 3-2 en Federico Bernardeschi skoraði sigurmark liðsins á 93. mínútu leiksins.
Ronaldo tókst ekki að skora né leggja upp í fyrsta leik en búist er við miklu af Portúgalanum á tímabilinu.