Nokkrir miðlar greina frá því í dag að Real Madrid hafi áhuga á að fá Neymar frá Paris Saint-Germain fyrir lok félagaskiptagluggans í Evrópu.

Það er alveg á hreinu að PSG vilji sekki selja Brassann sem var keyptur á 200 milljónir punda fyrir ári síðan.

Samkvæmt spænska blaðinu Sport gæti PSG hins vegar neyðst til þess að taka boði Real en félagið er tilbúið að borga 269 milljónir punda eða 300 milljónir evra fyrir leikmanninn.

Sport segir að PSG gæti þurft að taka því boði eftir að hafa brotið á reglum Financial Fair Play en frönsku meistararnir hafa eytt himinháum upphæðum í leikmenn síðustu ár.

Florentino Perez, forseti Real, vill nýta sér vandræði PSG og er sagður vera að undirbúa risatilboð í sóknarmanninn.