Varnarmaðurinn Ragnar Klavan hefur skrifað undir samning við Cagliari í ítölsku úrvalsdeildinni.
Þetta var staðfest í kvöld en Klavan er 32 ára gamann eistnenskur landsliðsmaður og var á mála hjá Liverpool.
Klavan kom til Liverpool fyrir tveimur árum en tókst aldrei að festa sig almennilega í sessi í öftustu línu.
Cagliari hafði áhuga á að semja við leikmanninn og skrifar hann undir tveggja ára samning.
Klavan hefur komið víða við á ferlinum en hann á að baki leiki í heimalandinu, Noregi, Hollandi og í Þýskalandi.