Juventus á Ítalíu hefur ákveðið að losa sig við miðjumanninn Claudio Marchisio en þetta var staðfest í dag.
Þessi 32 ára gamli leikmaður hefur yfirgefið Juventus á frjálsri sölu eftir heil 25 ár hjá félaginu.
Marchisio er uppalinn hjá Juventus og á að baki 294 deildarleiki fyrir félagið. Hans fyrsti leikur kom árið 2005.
Leikmaðurinn var lengi fastamaður í liði Juventus en spilaði aðeins 20 leiki á síðasta tímabili.
Marchisio hefur leikið fyrir eitt annað félag á ferlinum en hann var í láni hjá Empoli tímabilið 2007-2008.