Markvörðurinn David Ospina hefur skrifað undir samnuing við lið Napoli á Ítalíu en þetta var staðfest í kvöld.
Þessi 29 ára gamli leikmaður gerir eins árs langam samning við Napoli en hann kemur til liðsins á láni.
Ospina er samningsbundinn Arsenal á Englandi en hann kom þangað frá Nice í Frakklandi fyrir fjórum árum.
Ospina hefur hins vegar aðallega verið á bekknum á Emirates og spilaði aðeins 29 deildarleiki.
Ospina mun líklega taka við af Pepe Reina sem aðalmarkvörður Napoli en sá síðarnefndi fór til AC Milan í sumar.