Ernesto Valverde, stjóri Barcelona, hefur komið framherjanum Luis Suarez til varnar en hann hefur verið í umræðunni undanfarið.
Suarez þótti ekki standa sig vel í leik gegn Sevilla í spænska Ofurbikarnum og var þá með liðinu í gær gegn Boca Juniors í æfingaleik.
,,Það er í lagi með Luis. Hann er að koma til baka eftir HM og er að komast í gang. Hann lítur vel út,“ sagði Valverde.
,,Luis er markaskorari og er ákafur í teignum. Við vitum hvað hann gefur okkur. Þó hann skori ekki þá er viljinn alltaf til staðar.“
,,Hann var gagnrýndur á síðustu leiktíð eftir hæga byrjun en þegar hann byrjaði að skora hætti hann ekki.“