Alan Shearer, fyrrum leikmaður Newcastle, er á því máli að Paul Pogba gæti yfirgefið Manchester United fyrir lok félagaskiptagluggans í Evrópu þann 31. ágúst.
Barcelona er sagt hafa mikinn áhuga á Frakkanum en hann er einnig sjálfur sagður opinn fyrir því að fara annað.
,,Ég hef lesið það í vikunni að Pogba vilji fara áður en félagskiptaglugginn lokar og það kæmi mér ekki á óvart,“ sagði Shearer.
,,Við sáum það besta frá Pogba á HM í sumar. Didier Deschamps náði því besta úr honum og hann spilaði mjög, mjög vel.“
,,Hann verður að reyna að gera það sama fyrir United en það er starf Mourinho að ná því besta úr honum.“