Dómarinn Bobby Madley hefur ákveðið að hætta að dæma í ensku úrvalsdeildinni en þetta var staðfest í kvöld.
Madley er 32 ára gamall en hann var einn af 18 atvinnudómurum sem starfa í efstu deild á Englandi.
Madley hafði dæmt í úrvalsdeildinni frá árinu 2013 en hann dæmdi alls 91 leik á fimm ára ferli.
Madley var ekki í eldlínunni í fyrstu umferð úrvalsdeildarinnar um helgina og hefur ákveðið að segja þetta gott.
Samkvæmt BBC hættir Madley vegna breytinga í hans persónulega lífi en ekki er greint frá nákvæmlega af hverju.
