Ágúst Gylfason, þjálfari Breiðabliks, var afar ánægður er við ræddum við hann eftir leik við Víking Ólafsvík í kvöld.

Breiðablik komst í úrslitaleikinn með sigri í vítakeppni en liðið jafnaði metin í framlengingu á 120. mínútu.

,,Ég man bara eftir mómentinu í lokin og þegar við tryggðum okkur vítakeppni, það er það eina sem ég man eftir úr leiknum!“ sagði Ágúst.

,,Víkingarnir voru góðir og mjög vel skipulagðir. Það hefði ekki komið á óvart ef þeir hefðu klárað þetta og maður var farinn að undirbúa sig fyrir það að fara í viðtöl með tap á bakinu.“

,,Þeir detta aðeins niður og þetta er smá sjokk fyrir þá en við komum út með kassann og Willum klárar þetta, fyrst við fáum þetta tækifæri að komast í gegnum þetta.“

,,Þetta var með ólíkindum, tilfinningaþrungið móment þarna að hafa skorað með síðustu snertingu framlengingar, það eru nánast engin sem lýsa þessu. Á móti kemur er það hundleiðinlegt fyrir mótherjann okkar að detta í þetta.“

Nánar er rætt við Ágúst hér fyrir neðan.