Pep Guardiola, stjóri Manchester City, hikar ekki við að ljúga að eigin leikmönnum til að ná árangri.
Guardiola greindi sjálfur frá þessu en hann lætur leikmenn halda það að hann sé með svör við öllu þegar staðreyndin er þó önnur.
,,Ég mun segja ykkur svolítið sem er satt. Ég er ekki með öll svörin!“ sagði Guardiola.
,,Oft þegar það er eitthvað sem ég ekki veit þá læt ég eins og ég viti það fyrir framan leikmennina.“
,,Ég læt þannig svo þeir trúi því að ég sé með öll svörin og það gefur þeim sjálfstraust til að spila.“