Ejub Purisevic, þjálfari Víkings Ó, segir að sínir menn hafi átt skilið meira en tap gegn Blikum í undanúrslitum bikarsins í kvöld.
Ejub var gríðarlega ánægður með sína menn eftir leikinn en Blikar komust áfram eftir vítakeppni.
,,Ég er rosalega ánægður með leik minna manna. Við vorum allan tímann með leikinn í höndunum,“ sagði Ejub.
,,Breiðablik átti engin svör við okkur og mörkin sem við fengum á okkur voru einstaklingsmistök.“
,,Þessi færi sem Breiðablik fékk voru aukaspyrnur sem þeir fengu gefins frá dómaranum.“
,,Sálfræðilega voru þeir í forskoti því þeir voru að jafna leikinn en ég vonaðist aldrei eftir því að fara í vító. Það datt mér ekki hug í gær, við vorum með leikinn í höndunum.“
,,Þessi reynsla sem ákveðnir leikmenn áttu að hafa í þessum leik varð okkur að falli.“