Framherjinn Mathias Pogba mun ekki fá samning hjá liði KFC Uerdingen en hann var þar á reynslu á dögunum.
Stefan Kramer, þjálfari KFC sem spilar í þriðju efstu deild í Þýskalandi, segir að framherjinn sé einfaldlega of þungur þessa stundina.
,,Mathias er nú þegar farinn. Hann hefði ekki bætt liðið okkar. Hann er ekki í nógu góðu líkamlegu standi,“ sagði Kramer.
,,Mathias er stór náungi er með góðan líkama til að spila í níunni. Hann er þó enn með of mörg kíló á sér á mjöðmunum.“
Pogba var síðast á mála hjá liði Sparta Rotterdam í Hollandi en gerði áður góða hluti í neðri deildum Englands.
Mathias er einmitt bróðir Paul Pogba sem spilar með stórliði Manchester United.