Framherjinn Mario Balotelli gæti óvænt verið á leið aftur í ensku úrvalsdeildina í janúarglugganum.
Franski miðillinn L’Equipe greinir frá þessu í dag en Baloteli er þessa stundina á mála hjá Nice í Frakklandi.
Óvíst er hvort Balotelli finni sér nýtt lið í sumar og gæti hann þurft að bíða þar til að glugginn opnar í janúar.
Ítalinn var við það að ganga í raðir Marseille fyrr í þessum mánuði en ekkert varð úr þeim félagaskiptum.
West Ham á Englandi hefur mikinn áhuga á að fá leikmanninn sem hefur áður leikið með Manchester City og Liverpool.
Balotelli hefur staðið sig mjög vel í Frakklandi en hann gerði 26 mörk í öllum keppnum á síðustu leiktíð.