Victor Moses, leikmaður Chelsea á Englandi, hefur ákveðið að leggja landsliðsskóna á hilluna.
Moses er nígerískur landsliðsmaður en hann er ein allra stærsta stjarna liðsins og lék á HM í sumar.
Þessi 27 ára gamli leikmaður spilaði alls 37 leiki fyrir þjóð sína og gerði 12 mörk en hann spilaði alla leiki liðsins á HM.
Moses vill sjálfur einbeita sér að félagsliði sínu en hann hefur undanfarin ár leikið með Chelsea.
Það verður þó að viðurkenna að ákvörðun Moses kemur mörgum á óvart enda leikmaður á besta aldri.