Það vekur athygli að mark Gareth Bale í úrslitum Meistaradeildarinnar í maí er ekki tilnefnt sem mark ársins hjá UEFA.
Bale skoraði stórbrotið hjólhestaspyrnumark fyrir Real í 3-1 sigri á Liverpool er liðið tryggði sér sigur í deild þeirra bestu.
Búist var við að mark Bale yrði sigurstranglegt í valinu en UEFA hefur greint frá því að það komi ekki til greina.
Alls 11 mörk eru tilnefnd og þar á meðal hjólhestaspyrnumark Cristiano Ronaldo gegn Juventus í sömu keppni.
Christian Eriksen, leikmaður Tottenham, á einnig eitt af mörkunum en það kom gegn Írlandi í undankeppni HM.