Rúnar Páll Sigmundsson, þjálfari Stjörnunnar, gat brosað í kvöld eftir 2-0 sigur sinna manna á FH.
Stjarnan vann 2-0 sigur í undanúrslitum bikarsins og mætir því annað hvort Blikum eða Víkingi Ólafsvík í úrslitum.
,,Þetta var virkilega flott hjá drengjunum í dag. Frábær frammistaða, öflugur varnarleikur og skínandi sóknarleikur, það gekk allt upp í dag,“ sagði Rúnar við Stöð 2 Sport.
,,FH-ingar spila þriggja manna vörn í dag og það hefur gengið vel hjá okkur í sumar að mæta þriggja manna vörn.“
,,Við vissum nákvæmlega hvernig þeir myndu spila, þeir eru hættulegir í föstum leikatriðum líka en við vorum þolinmóðir og refsum þeim.“
,,Við klárum þetta bara 15. september. Mér er alveg sama hverjum við mætum, Víkingi eða Breiðablik, það verður gaman að sjá þann leik.“
