Diego Godin, leikmaður Atletico Madrid, hefur útskýrt af hverju hann hafnaði því að ganga í raðir Manchester United í sumar.
Godin var orðaður við United á dögunum en félagið hafði mikinn áhuga á að fá hann í sínar raðir.
Godin hefur þó ákveðið að vera áfram hjá Atletico og segir það vera vegna persónulegra ástæðna.
,,Ég er ekki búinn að framlengja. Ég hef fengið önnur tilboð,“ sagði Godin fyrir leik gegn Real Madrid í Ofurbikar Evrópu í dag.
,,Ég hef þó ákveðið að vera hér áfram vegna persónulegra ástæðna og ég hugsa bara um þennan leik. Ég er samt ekki búinn að skrifa undir.“