Florentino Perez, forseti Real Madrid, hringdi í Ed Woodward, stjórnarformann Manchester United fyrir nokkrum vikum.
The Times greinir frá þessu en Perez tjáði Woodward það að félagið væri að kaupa Thibaut Courtois frá Chelsea.
Courtois skrifaði undir samning við Real á dögunum en hann vildi mikið komast aftur til Spánar.
Real hafði fyrir það sýnt David de Gea, markverði United, áhuga en hann hefur lengi verið á óskalistanum.
Perez tjáði Woodward það að sá eltingarleikur væri nú búinn og að Courtois yrði í markinu næstu árin.
United telur nú að De Gea muni skrifa undir nýjan langtímasamning við félagið en hann er 27 ára gamall.