Kevin De Bruyne, leikmaður Manchester City, verður lengi frá vegna meiðsla ef marka má enska miðla í dag.
Greint er frá því að Belginn hafi meiðst á æfingu City en hann er á hækjum þessa stundina og er talað um þriggja mánaða bataferli.
De Bruyne er einn allra mikilvægasti leikmaður City en hann byrjaði á bekknum í 2-0 sigri á Arsenal um helgina.
Miðjumaðurinn á eftir að fara í nánari rannsóknir og á eftir að koma í ljós nákvæmlega hversu slæm meiðslin eru.
Það yrði þó gríðarlegt áfall fyrir City að missa De Bruyne í langan tíma sem og belgíska landsliðið en liðið mætir Íslandi í Þjóðadeildinni þann 11. september.
