Thibaut Courtois, markvörður Real Madrid, mun líklega ekki spila sinn fyrsta leik fyrir liðið í kvöld.
Talað var um að Courtois gæti spilað leik Real gegn Atletico Madrid í kvöld í Ofurbikar Evrópu.
Belginn gekk í raðir Real frá Chelsea í sumar og myndi þá mæta sínum gömlu félögum í Atletico þar sem hann var í láni á sínum tíma.
Samkvæmt nýjustu fregnum þarf Courtois hins vegar að bíða og mun Keylor Navas verja mark liðsins.
Greint er frá því að það hafi aldrei komið til greina að Courtois myndi spila leikinn fram yfir Navas.
Navas hefur verið markvörður númer eitt á undirbúningstímabilinu og stóð í marki liðsins sem vann Meistaradeildina á síðustu leiktíð.