Lionel Messi, leikmaður Barcelona á Spáni, mun ekki leika meira með argentínska landsliðinu á þessu ári.
Frá þessu greinir miðillinn TNT í kvöld en Messi hefur ákveðið að leggja skóna á hilluna allavegana tímabundið.
Samkvæmt þessum fregnum hefur Messi rætt við forseta argentínska knattspyrnusambandsins og mun ekki gefa kost á sér á árinu.
Messi er 31 árs gamall í dag en hann lék með Argentínu á HM í sumar þar sem gengi liðsins var ekki gott.
Messi hefur áður lagt landsliðsskóna á hilluna en hann dró þá ákvörðun til baka og ákvað að spila með liðinu á HM.
