Jens Lehmann, fyrrum markvörður Arsenal, er nokkuð hissa á því að Bernd Leno hafi ekki byrjað fyrsta leik liðsins í úrvalsdeildinni um helgina gegn Manchester City.

Það kom mörgum á óvart er Petr Cech var valinn í byrjunarliðið en Leno var keyptur til Arsenal fyrir 20 milljónir punda í sumar.

,,Ég veit ekki hvernig hann stendur sig á æfingum en það segir þér eitthvað ef náungi sem kostar 20 milljónir punda og er valinn af þjálfaranum er ekki að spila,“ sagði Lehmann.

,,Við vitum ekki hverjum þjálfurunum líkar við. Bernd er góður markvörður, það er engin spurning.“

,,Spurningin er hvort hann geti gert betur en hann hefur sýnt. Hann þarf að taka meiri áhættur og halda áfram að bæta sig, ef hann gerir það, gott!“