James Milner, leikmaður Liverpool, er gríðarlega hrifinn af nýjum leikmanni liðsins, Naby Keita.
Keita kom til Liverpool í sumar frá RB Leipzig og stóð sig með prýði í gær í 4-0 sigri liðsins á West Ham.
Milner hrósaði samherja sínum eftir sigurinn í gær en segir að búast megi við enn meiru á næstu vikum.
,,Hann er góður leikmaður, þið getið séð það strax,“ sagði Milner í samtali við Sky Sports.
,,Hann mun bara verða betri. Hann kemur inn í nýtt lið sem spilar öðruvísi og gerir svona vel, þið getið aðeins ímyndað ykkur hversu góður hann verður eftir nokkra mánuði.“
