Jurgen Klopp, stjóri Liverpool á Englandi, myndi íhuga það að taka við þýska landsliðinu ef það verður í boði í framtíðinni.
Klopp er samningsbundinn Liverpool til ársins 2022 og er ekki að íhuga það að yfirgefa félagið bráðlega.
Þjóðverjinn gæti þó verið opinn fyrir seinna á ferlinum en er ekki að yfirgefa Anfield að svo stöddu.
,,Ef ég er spurður að því að taka starfið að mér í framtíðinni þá myndi ég íhuga það,“ sagði Klopp.
,,Eins og staðan er hugsa ég bara um það sem er í gangi. Ég er samningsbundinn Liverpool næstu fjögur árin. Bara af því Þýskaland átti slæmt HM? Nei ég er ekki fáanlegur.„