Stan Collymore, fyrrum leikmaður Liverpool, trúir því ekki að leikmenn Manchester United séu að skemmta sér undir leiðsögn Jose Mourinho á Old Trafford.

Collymore segir að Mourinho henti United einfaldlega illa þessa stundina en hann hefur kvartað mikið í fjölmiðlum í sumar.

,,Eins og staðan er núna er ekki til þjálfari sem hentar félagi á Englandi eins illa, örugglega ekki heldur í Evrópu,“ sagði Collymore.

,,Ég trúi því ekki að leikmenn horfi á Mourinho og hugsi með sér að þeir vilji mikið spila fyrir hann.“

,,Ef ég fengi að velja þjálfara þá myndi það vera val á milli Pep Guardiola, Mauricio Pochetino og Jurgen Klopp.“